बिहार के राजनीति में एक बेर फेर से राष्ट्रीय जनता दल (राजद) में टूट के चर्चा जोर पकड़ले बा। वजह बा—लालू प्रसाद यादव के दू गो पुरान भरोसेमंद साथी, जे अब भारतीय जनता पार्टी (भाजपा) के मजबूत चेहरा बन चुकल बाड़े। ई दू नेता बाड़े सम्राट चौधरी आ रामकृपाल यादव।
राजनीतिक जानकारन के मानना बा कि ई दुनो नेता राजद के भीतर के हर कमजोर नस से परिचित बाड़े आ मौका मिलते ही पार्टी में सेंधमारी के रणनीति पर काम कर रहल बाड़े।
रामकृपाल खुलल खेल में, सम्राट चाल में माहिर
रामकृपाल यादव के भूमिका खुलकर सामने आ रहल बा, जबकि सम्राट चौधरी चुपचाप सियासी चाल चलल में माहिर मानल जात बाड़े। सम्राट चौधरी आज बिहार के उपमुख्यमंत्री बाड़े, लेकिन 11 साल पहिले ऊ खुद राजद के विधायक रहल बाड़े।
साल 2014 के बगावत में सम्राट चौधरी सबसे बड़ा रणनीतिकार मानल गइल रहलें, जवन आजो लालू खेमा के डरावेला।
2014 के बगावत: जब राजद हिल गइल रहल
फरवरी 2014 में राजद के 13 विधायक पार्टी नेतृत्व के खिलाफ खड़ा हो गइल रहलें। लालू यादव के जोर-जुगाड़ से 9 विधायक त लवट आइलें, लेकिन
- सम्राट चौधरी
- जावेद इकबाल अंसारी
- राम लखन राम रमण
ई तीनों लवटे से इनकार कर दिहलें आ नीतीश कुमार सरकार के समर्थन दे दिहलें। दल-बदल कानून के चलते मई 2014 में तीनों के इस्तीफा देवे के पड़ल आ राजद के ताकत 22 से घट के 19 विधायक रह गइल।
जदयू से भाजपा तक सम्राट के सियासी सफर
राजद छोड़े के बाद सम्राट चौधरी
- जदयू में गइलें
- विधान परिषद सदस्य बनलें
- जीतन राम मांझी सरकार में मंत्री बनलें
लेकिन मांझी के समर्थन में खुलल बोले पर जदयू से निलंबित हो गइलें। आखिरकार 2017 में भाजपा ज्वाइन कइले आ आज बिहार सरकार के डिप्टी सीएम बाड़े।
आज के हालात: 2014 से बहुत मिलता-जुलता
राजनीतिक पंडित कहत बाड़े कि आज के हालात 2014 से काफी मिलता बा।
तब—
- लालू यादव चारा घोटाला में जेल गइल रहलें
आज—
- लालू उम्र आ बीमारी से सक्रिय राजनीति से दूर बाड़े
- विधानसभा चुनाव में राजद के करारी हार मिलल
- सीट 77 से सिमट के 25 पर आ गइल
तेजस्वी पर सवाल, विधायक असमंजस में
हार के बाद तेजस्वी यादव विदेश यात्रा पर बाड़े, संगठनात्मक समीक्षा सुस्त देखाई दे रहल बा। एहसे पार्टी के भीतर असंतोष बढ़ रहल बा।
विधायकों के मन में सवाल बा— “आगे पार्टी के भविष्य का होई? नेतृत्व के दिशा कइसे तय होई?”
2014 में विधायक इस्तीफा के कीमत दे के भी बगावत कइले रहलें, आज अगर राजनीतिक फायदा दिखल— त टूट के कहानी दोहराए में देर ना लागी। बिहार के राजनीति में कब, कहां, कौन पलटी मार दे— ई अंदाजा लगावल मुश्किल बा।
मां या कातिल? मराठी न बोलने पर 6 साल की बच्ची की बेरहमी से हत्या!
